SMOLENSCIUM vulgo SMOLENSKO

SMOLENSCIUM, vulgo SMOLENSKO

urbs est Lithuaniae, ad fluvium Borysthenem, prope fines Moscoviae. Est valde ampla et permunita, in editiore loco posita. Cingitur muro sex cubitorum latitudinem habente et 52. turribus firmô, cum arce valida in monte posita, in medio urbis, 8000. aedes continet, cum alias multo amplior fuerit; Episcopum in ea urbe constitui curavit a Summo Pontifice Rex Uladislaus IV. una cum collegio Canonicorum ex destinatione patris sui Sigismundi III. Olim haec civitas cum tota regione propriis paruit Ducibus Russicis; sed A. C. 1403. Vitondus magnus Dux Lithuaniae hanc urbem occupavit; et ceteris oppidis ac arcibus in potestatem suam redactis, totum hunc Ducatum Smolenscensem in Lithuanicam provinciam mutavit, eiectô inde Gregoriô

Duce. Deinde capta fuit a Casimiro II. Rege Poloniae A. C. 1452. posteaque a Moschis A. C. 1514. quos paulo post pugnâ Orsensi Sigismundus I. Rex 40000. caesis superavit, et a loco pugnae ad 120. milliaria repulit, Ductoribus exercitus, cum omni gentis Senatu captis, Cromerus in Orat. fun. Sigismundi. Hinc pluries a Polonis tentata, tandem vi capta iterum fuit a Sigismundo III. Poloniae Rege A. C. 1611. post duorum fere annorum obsidionem, quâ periisse 200. Moscorum milia traduntur: quorum ibidem 7000. denuo trucidata A. C. 1613. A. C. 1616. obsessa fuit irritô conatu, uti etiam A. C. 1633. a Moschis, qui ibi maximâ clade affecti Fuêre ab Uladislao IV. Rege, Mense Martiô, post obsidionem unius anni; sicque Polonici iuris mansit Smolenscium usque ad annum 1654. quô expugnatum fuit die 13. Octobris ab Alexio Michaelovitio magno Duce Moscoviae in occasum, et 20. a Vitebscia in Eurum.